पाटस : वीटभट्टी कामगारांच्या मुलांनीही शिक्षणाच्या प्रवाहात राहावे व त्यांनी शिक्षणात पुढे जावे याकरिता श्रीनिधी गृहउद्योग, विद्यार्थी सेवा संघ व ज्ञानदिप ग्रंथालय पाटस यांच्या माध्यमातून बोरमलनाथ चौफुला येथील गरजू विद्यार्थ्यांना शैक्षणिक साहित्य तसेच दिवाळी फराळ व मिठाई बॉक्सेसचे वाटप करून अनोखी भाऊबीज साजरी करण्यात आली,
या उपक्रमामुळे गरजू कुटुंबातील विद्यार्थ्यांना दरवर्षी शैक्षणिक मदत मिळत असते,
दरम्यान प्रतिकूल परिस्थितीतही शिक्षणाच्या प्रवाहात असलेल्या मुलांना सुद्धा आवश्यक शैक्षणिक साधने मिळावीत ,समाजात एकता आणि सहकार्याची भावना वृद्धिंगत व्हावी ,एकत्र येऊन गरजूंना मदत करण्याची तसेच समाजात सकारात्मक बदल घडविण्यासाठी अशा उपक्रमांची खऱ्या अर्थाने गरज आहे.
याप्रसंगी हर्षद बंदिष्टी,प्रमोद ढमाले,गौतम पानसरे,श्रीनिधी गृहउद्योग च्या सोनाली बंदिष्टी,संगीता देशपांडे, वरद जोशी,अमृता जोशी,चैतन्य बंदिष्टी, पार्थ बंदिष्टी,शबनम डफेदार उपस्थित होते.
प्रतिनिधी / योगेश राऊत
