वृत्तवेध न्यूज नेटवर्क
दौंड | दौंड विधानसभा मतदारसंघात निवडणुक शांततेत पार पाडण्यासह कायदा व सुव्यवस्था अबाधित ठेवण्यासाठी तसेच निवडणुका भयमुक्त वातावरणात पार पडाव्यात, यासाठी दौंड पोलिस स्टेशनच्या वतीने शहरात पथसंचलन काढण्यात आले.
दौंड पोलिस स्टेशनच्या हद्दीत शुक्रवार ८ नोव्हेंबर रोजी सकाळी ९:३० ते ११ या वेळेत पथसंचलन काढण्यात आले.
पोलिस पथसंचलन शहरातील छत्रपती शिवाजी महाराज चौक – डॉ.बाबासाहेब आंबेडकर चौक – महात्मा गांधी चौक – विठ्ठल मंदिर परिसर – आलमगीर मजीद परिसर – कुंभार गल्ली – नेहरू चौक – संविधान चौक – हुतात्मा चौक – शालीमार चौक – सरपंच वस्ती या मार्गे काढण्यात आले.
पथसंचलनाला पोलिस निरीक्षक गोपाळ पवार, केंद्रीय सुरक्षा दलाचे पोलीस निरीक्षक संजीव कुमार,सहाय्यक पोलीस निरीक्षक तुकाराम राठोड, नागनाथ पाटील,पोलीस उपनिरीक्षक सुनील उगले, युवराज घोडके,ग्रेड पोसली ३, पोलीस अंमलदार २५, महिला पोलीस अंमलदार ५, केंद्रीय सुरक्षा दलाचे जवान ४० तसेच १५ माजी सैनिक सहभागी झाले होते.
